Viarchoŭny sud pryznaŭ Antanasa Hieciavičusa vinavatym u hienacydzie

Viarchoŭny sud pryznaŭ Antanasa Hieciavičusa vinavatym u ździajśnieńni hienacydu biełaruskaha naroda padčas Vialikaj Ajčynnaj vajny, piša BiełTA.

U suviazi sa śmierciu abvinavaŭčy prysud u dačynieńni da Antanasa Hieciavičusa vyniesieny biez pryznačeńnia pakarańnia.

Pavodle infarmacyi boku abvinavačańnia, Antanas Hieciavičius 21 kastryčnika 1941 hoda, dziejničajučy ŭ składzie 2‑ha (12-ha) bataljona pad kiraŭnictvam Impulavičusa, razam ź inšymi ŭdzielnikami hetaj uzbrojenaj arhanizavanaj hrupy, budučy kamandziram uzvoda pieršaj roty, ažyćciaviŭ u Dziaržynsku karnuju apieracyju pa źniščeńni mirnaha nasielnictva jaŭrejskaj nacyjanalnaści, jakoje ŭtrymlivałasia ŭ hieta, uklučajučy dziaciej i pažyłych ludziej. Usiaho byli źniščanyja kala tysiačy čałaviek.

Taksama Hieciavičusa abvinavačvali ŭ źniščeńni mirnaha nasielnictva ŭ Słuckim rajonie.

 Zhodna z abvinavačańniem, karnaja apieracyja pa zabojstvie mirnaha jaŭrejskaha nasielnictva, jakoje ŭtrymlivałasia ŭ hieta, prachodziła ŭ kastryčniku 1941 hoda. Hieciavičus razam ź inšymi karnikami, u tym liku padnačalenymi jamu, pad pahrozaj zabojstva kanvairavaŭ viaźniaŭ hieta va ŭročyšča Horavacha kala vioski Sielišča Słuckaha rajona da zahadzia arhanizavanaha miesca źniščeńnia, dzie, dziejničajučy z asablivaj žorstkaściu, ździejśniŭ masavaje zabojstva.

Było rasstralana nie mienš za 5 tysiač čałaviek. Siarod ich byli dzieci da 12 hadoŭ i pažyłyja ludzi.

Heta ŭžo siomaja sprava ab hienacydzie ŭ Biełarusi ŭ apošnija hady. Byli asudžanyja za hienacyd daŭno pamierłyja Uładzimir Katruk (sprava Chatyni), Kanstancin Smoŭski, Symon Sierafinovič, Alaksandr Jarmolčyk, Vosip Vińnicki, Hans Zihlinh.

Kamientary da artykuła