U Minsku adkryli siezon fantanaŭ FOTY

24 krasavika ŭ Minsku aficyjna pačaŭsia siezon pracy haradskich fantanaŭ, piša vydańnie Times.by.

Usiaho na bałansie «Minskzialonbuda» znachodziacca 42 fantany, raźmieščanyja ŭ parkach i skvierach horada. Ź ich try pakul nie pracujuć, bo znachodziacca na rekanstrukcyi. Naprykład, fantan «Stalica» płanujuć zapuścić paśla ramontu ŭ najbližejšy čas, a jašče dva — kala DK MAZ i na vulicy Piatra Hlebki — buduć faktyčna pierabudavanyja nanova z zamienaj abstalavańnia i kamunikacyj.

Bolšaść fantanaŭ budzie pracavać štodnia z 11:00 da 21:00, ale ŭ vychadnyja i śviaty hrafik moža źmianiacca.

Da adkryćcia siezonu ŭ Minsku rychtavalisia zahadzia: čyścili farsunki, absłuhoŭvali pompy, ramantavali vadapravody i praviarali biaśpieku abstalavańnia.

Siarod minskich fantanaŭ jość i asabliva admietnyja. Najvyšejšy — «Šyrma» kala Nacyjanalnaj biblijateki, dzie strumiani vady dasiahajuć kala 20 mietraŭ. Najbolšy pa pamiery čary znachodzicca kala Vialikaha teatra, a adzin z samych składanych pa kanstrukcyi — fantan «Pieramoha» ŭ adnajmiennym parku.

Kamientary da artykuła