Nietańjachu paviedamiŭ, što zachvareŭ na rak, ale vylečyŭsia

Premjer-ministr Izraila Bińjamin Nietańjachu paviedamiŭ, što niadaŭna prajšoŭ lačeńnie ad raku prastaty i zdoleŭ spravicca z chvarobaj.

Premjer-ministr Izraila Bińjamin Nietańjachu. Skrynšot ź videa

Pa słovach palityka, daktary vyjavili ŭ jaho złajakasnuju puchlinu na vielmi rańniaj stadyi. Jana nie paśpieła raspaŭsiudzicca na inšyja orhany, tamu situacyja była kantralavanaj. Nietańjachu vyrašyŭ nie adkładać i adrazu prajści lačeńnie, jakoje ŭklučała apieracyju i niekalki dadatkovych pracedur.

Jon taksama rastłumačyŭ, što śpiecyjalna adkłaŭ publikacyju svajoj miedycynskaj spravazdačy, kab heta nie supała z vajennymi padziejami i nie było vykarystana Iranam u prapahandysckich metach suprać Izraila.

Praz prykładna paŭtara hoda paśla apieracyi jon prajšoŭ paŭtornaje abśledavańnie. Padčas płanavanaha ahladu lekary zaŭvažyli vielmi maleńkaje ŭtvareńnie — mienš za adzin santymietr. Jany adznačyli, što padobnyja vypadki davoli časta sustrakajucca ŭ mužčyn jaho ŭzrostu i mohuć abo naziracca, abo adrazu lačycca.

Nietańjachu padkreśliŭ, što abraŭ aktyŭny padychod i vyrašyŭ adrazu likvidavać prablemu. Jon zaklikaŭ inšych ludziej uvažliva stavicca da svajho zdaroŭja i nie ihnaravać abśledavańni, asabliva kali havorka idzie pra rańniaje vyjaŭleńnie zachvorvańniaŭ.

Kamientary da artykuła