Nietańjachu abviaściŭ ab eskałacyi apieracyi ŭ Iranie, kab «ścierci terarystyčny režym ź ziamli»
Premjer-ministr Izraila Bińjamin Nietańjachu vystupiŭ z žorstkim zvarotam, u jakim abviaściŭ ab značnym uzmacnieńni vajennaj kampanii ŭ Iranie. Jaho meta, pavodle słoŭ palityka, — «ścierci terarystyčny režym ź ziamli». Hetaja zajava supiarečyć pazicyi izrailskich vajennych, jakuju jany ahučvali jašče ŭčora.
Vystupajučy paśla narady ź ministram abarony, načalnikam Hienštaba i kiraŭnikom «Masada», Nietańjachu abviaściŭ novuju fazu kanfliktu.
«Učora my likvidavali dyktatara Chamieniei, razam ź im byli likvidavanyja dziasiatki pradstaŭnikoŭ represiŭnaha režymu. Ciapier našy siły dziejničajuć u samym sercy Tehierana z narastajučaj mocaj, i ŭ bližejšyja dni intensiŭnaść budzie tolki ŭzmacniacca», — zajaviŭ premjer-ministr.
Nietańjachu taksama pryznaŭ, što apieracyja maje svoj košt dla Izraila, zhadaŭšy achviary ŭ Tel-Avivie i Biejt-Šemiešy, i vykazaŭ spačuvańni siemjam zahinułych.
Jon asabliva padkreśliŭ biesprecedentny maštab apieracyi i padziakavaŭ za padtrymku Złučanym Štatam. «My viadziom kampaniju, u jakoj zadziejničajem usiu moc Armii abarony Izraila — jak nikoli raniej. Ale ŭ hetaj kampanii my taksama karystajemsia padtrymkaj Złučanych Štataŭ, majho siabra, prezidenta ZŠA Donalda Trampa, i amierykanskaj armii», — skazaŭ jon.
Svaju zajavu jon zaviaršyŭ histaryčnym dla siabie vykazvańniem: «Heta spałučeńnie sił dazvalaje nam zrabić toje, što ja imknuŭsia ažyćciavić užo 40 hadoŭ — ścierci terarystyčny režym ź ziamli. Tak ja abiacaŭ — i tak budzie zroblena».
Rezkaja źmiena rytoryki
Hetaja zajava adznačaje kardynalnuju źmienu aficyjnaj pazicyi Izraila. Učora, 28 lutaha, vysokapastaŭleny izrailski vajenny čynoŭnik na bryfinhu dla presy śćviardžaŭ, što źmiena iranskaha režymu nie źjaŭlajecca metaj apieracyi.
Tady jon udakładniŭ, što asnoŭny akcent robicca na vajennych celach, choć i pryznaŭ, što «asoby, datyčnyja da napadaŭ na Izrail, mohuć ličycca zakonnymi celami».
Takim čynam, za karotki čas aficyjnaja pazicyja Izraila, padobna, evalucyjanavała ad abmiežavanaj vajennaj apieracyi da poŭnamaštabnaj kampanii, nakiravanaj na demantaž isnujučaj ułady ŭ Iranie. Zajava Nietańjachu śviedčyć pra toje, što Izrail pry padtrymcy ZŠA hatovy da samaj žorstkaj eskałacyi kanfliktu.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Žal, čto pro niemieckije pieči - eto mif.