Žychar Barysaŭskaha rajona zhubiŭ dziaržnumar ad svajoj mašyny i namalavaŭ jaho sam
U Starych Darohach na AZS vyjavili kiroŭcu, jaki samastojna «adnaviŭ» dziaržaŭny numar aŭtamabila paśla jaho straty. Ciapier na jaho zaviali kryminałku, paviedamlaje UUS Minskaha abłvykankama.
Fota: UUS Minskaha abłvykankama
57‑hadovy žychar Barysaŭskaha rajona zhubiŭ numarny znak ad svajoj lehkavoj mašyny, ale nie źviarnuŭsia ŭ DAI. Zamiest hetaha jon vyrašyŭ zrabić novy numar sam. Mužčyna źniaŭ znak sa svajho hruzavoha aŭto, zafarbavaŭ staryja simvały i ŭručnuju namalavaŭ patrebnyja litary dy ličby, paśla čaho pastaviŭ źmienienuju tabličku z numaram na lehkavik i praciahvaŭ na im jeździć.
Vyjavili heta parušeńnie vypadkova: na adnoj z aŭtazapravak u Starych Darohach starońni čałaviek źviarnuŭ uvahu na padazrony numar i paviedamiŭ pra heta ŭ milicyju. Paśla pravierki vyśvietliłasia, što znak padrobleny.
U dačynieńni da mužčyny raspačali kryminalnuju spravu za padrobku rehistracyjnaha numara transpartnaha srodku. Za heta praduhledžana pakarańnie — ad štrafu da pazbaŭleńnia voli na termin da dvuch hadoŭ.
Čytajcie taksama:
U Minsku mužčyna napaŭ na kiroŭcu, jaki aślapiŭ farami jahonuju byłuju žonku
U Rečycy znajšli nielehalny dom sastarełych
U Minsku pacyjent źbiŭ stamatołaha, a zuby jamu palačyli ŭ inšym kabiniecie