Infarkt, ciažki stan. Źjavilisia źviestki pra źniavolenaha katalickaha śviatara Parachnieviča i jaho abvinavačvańnie
65‑hadovy ksiondz zastajecca ŭ śledčym izalatary ŭ ciažkim stanie.
Jak daviedalisia vierniki, ksiondz Anatol Parachnievič, jaki słužyć probaščam u Vilejskim rajonie i znachodzicca ŭ źniavoleńni ŭžo bolš za miesiac, pieranios infarkt. 65‑hadovy śviatar zastajecca ŭ śledčym izalatary ŭ ciažkim stanie, piša katolik.life.
Taksama, nakolki viadoma viernikam, ksiandza abvinavačvajuć u «zdradzie dziaržavie». U čym kankretna — infarmacyi niama. Miarkujecca, što śviatara trymajuć u SIZA KDB. Aryštoŭvajuć jaho pryjazdžali nieviadomyja ludzi ŭ maskach na niekalkich mašynach, jaho dom apiačatali.
Nahadajem, taksama pa abvinavačvańni ŭ «zdradzie dziaržavie» byŭ asudžany ksiondz Hienrych Akałatovič, jakoha vyzvalili pry pasrednictvie Vatykana za čatyry miesiacy da aryštu ksiandza Anatola Parachnieviča.