Pucin dazvoliŭ udovam zahinułych vajskoŭcaŭ biaspłatna pastupać u VNU i zabaraniŭ zvalniać tych, chto viarnuŭsia z frontu
Pucin padpisaŭ try zakony, jakija datyčacca vajskoŭcaŭ i ich siemjaŭ, paviedamlaje «Dožd́».
Fota: Sefa Karacan / Anadolu via Getty Images
Adzin z zakonaŭ dazvalaje žonkam zahinułych udzielnikaŭ uvarvańnia va Ukrainu biaspłatna pastupać u VNU i kaledžy. Kvota raspaŭsiudžvajecca na ŭdoŭ supracoŭnikaŭ Fiederalnaj słužby vykanańnia pakarańniaŭ i MUS, a taksama bajcoŭ samaabvieščanych «DNR» i «ŁNR».
Jašče adzin zakon zabaraniaje skaračać rabotnikaŭ, jakija viarnulisia z vajskovaj słužby paśla mabilizacyi abo zakančeńnia kantrakta. Treci zakon dazvalaje dvum svajakam supracoŭnika Rashvardyi ŭ vypadku ciažkaha ranieńnia biaspłatna pryjechać da miesca jaho lačeńnia.
U žniŭni 2025 hoda deputaty Dziarždumy prapanavali nadać udovam udzielnikaŭ uvarvańnia va Ukrainu prava na biaspłatnaje navučańnie ŭ VNU. U kastryčniku ŭ Ministerstvie adukacyi i navuki paviedamili, što takoje žadańnie vykazali kala 600 udoŭ.