U Biełarusi stvorać novy zabaŭlalny park z histaryčnaj tematykaj
Park źjavicca niedaloka ad Hrodna na terytoryi ahraturystyčnaha kompleksu «Karobčycy» i budzie nazyvacca «Stary horad», paviedamlaje pres-słužba Hrodzienskaha abłvykankama. Ideja prajekta — adnavić atmaśfieru Hrodna kanca XIX — pačatku XX stahodździa.
Fota: t.me/pul4region
Płanujecca, što naviedvalniki zmohuć prajścisia pa vulicy, dzie ŭsio vyhladaje tak, niby čas spyniŭsia bolš za sto hadoŭ tamu. Ideja prajekta — nie prosta pakazać budynki, a adnavić žyćcio i pobyt taho pieryjadu.
Fota: t.me/pul4region
U parku źjavicca kala dziesiaci «histaryčnych» damoŭ, a taksama mnostva tematyčnych abjektaŭ. Siarod ich — drukarnia (u honar taho, što Hrodna byŭ adnym ź pieršych centraŭ knihadrukavańnia), lačebny kabiniet i aptekarskaja krama. Akramia hetaha, płanujuć pabudavać čyhunačny vakzał, handlovyja rady, fotamajsterniu, bank, kinateatr, karčmu i navat etnahrafičny kompleks.
Fota: t.me/pul4region
Taksama źjaviacca try nacyjanalnyja chatki, škoła rycarskaha typu, śpiecyjalnaja «pałata mier i vahaŭ», novaja ŭvachodnaja zona i kaviarnia, dzie možna budzie pakaštavać stravy biełaruskaj kuchni.
Fota: t.me/pul4region
Prajekt raźličany na toje, kab zrabić adpačynak tam cikavym u luby siezon.
Čytajcie taksama:
Biznesmien nabyŭ dla parka «Suła» aryhinalnaje vydańnie Statuta VKŁ