Žonka Makrona pra hady ŭ statusie pieršaj łedzi: Ja ŭbačyła čarnatu śvietu, duraść, złość
Pieršaja łedzi Francyi Bryžyt Makron pryznałasia ŭ intervju vydańniu La Tribune Dimanche, što joj časam sumna jak nikoli raniej da jaje pierajezdu ŭ Jelisiejski pałac razam z mužam.
Bryžyt Makron. Fota: Stephanie Lecocq / Pool via AP
«Raniej u mianie było narmalnaje žyćcio, dzieci, praca, uźloty i padzieńni, jak i va ŭsich. Tut hetyja dziesiać hadoŭ pralacieli tak chutka… Jany byli nastolki intensiŭnymi. Ja ŭbačyła čarnatu śvietu, duraść, złość», — skazała žonka Emanuela Makrona.
«U mianie byvajuć momanty piesimizmu, jakich nie było raniej», — zaŭvažyła jana.
U 2027 hodzie, paśla dvuch prezidenckich terminaŭ Makrona, jany pakinuć Jelisiejski pałac.
Bryžyt, paśla taho jak sutyknułasia z ckavańniem u internecie (padstavaj stała jaje źniešnaść i roźnica va ŭzroście z mužam — Bryžyt na 25 hadoŭ starejšaja, joj 73 hady), padzialiłasia, što zapisvańnie svaich dumak joj vielmi dapamahaje.
Kali ŭ 2024‑m pieršaja łedzi Francyi padavała skarhu z-za ckavańnia (za toje, što jaje nazyvali transhiendaram), to tłumačyła śledčym, što hetyja čutki mieli vielmi mocny rezanans dla jaje samoj i jaje asiarodździa.
Čytajcie taksama:
U Francyi vynieśli prysud pa spravie ab ckavańni Bryžyt Makron
Francuzskija fieministki aburanyja kamientaryjami Bryžyt Makron ab aktyvistkach