Chłopiec u Asipovičach vyrašyŭ pravieryć, ci dobra haryć bienzin. Akazałasia, što dobra
Viečaram 25 krasavika ŭ Asipovičach na vulicy Harelika adbyŭsia pažar na dačy, pryčynaj jakoha stała dapytlivaść chłopca i jaho siabra.
Jak piša MNS, 17‑hadovy syn haspadyni doma razam ź siabram vyrašyli pravieryć, jak haryć bienzin. Chłopcy vylili trochi paliva na ziamlu i padpalili.
Połymia ŭspychnuła imhnienna — zaharełasia nie tolki ziamla, ale i kanistra ŭ rukach padletka.
Spužaŭšysia, chłopiec adkinuŭ kanistru ŭ bok dreva — toje ŭspychnuła, jak zapałka. Paśla hetaha ahoń pierakinuŭsia na haryšča dačnaha doma.
Ratavalniki, jakich vyklikali susiedzi, patušyli pažar, adnak ahoń paśpieŭ paškodzić dach, pierakryćci i vonkavaje azdableńnie budynka.
Paciarpiełych siarod ludziej niama.