Siabra Viktara Łukašenki pryznačyli kiraŭnikom Rassupracoŭnictva
Uładzimir Pucin padpisaŭ ukaz ab vyzvaleńni Jaŭhiena Prymakova z pasady kiraŭnika Fiederalnaha ahienctva pa spravach SND i suajčyńnikaŭ, jakija pražyvajuć za miažoj. Novym kiraŭnikom Rascupracoŭnictva inšym ukazam pryznačany Ihar Čajka.
Ihar i Arciom Čajki i Viktar Łukašenka. Skrynšot STB
49‑hadovy Jaŭhien Prymakoŭ — unuk savieckaha i rasijskaha palityka i dypłamata Jaŭhiena Prymakova, jaki byŭ ministram zamiežnych spraŭ Rasii.
Na siońnia 37‑hadovy Ihar Čajka — biznesmien, uładalnik adnaho z najbujniejšych rasijskich apierataraŭ utylizacyi śmiećcia «Chartyja». U sakaviku minułaha hoda jon byŭ pryznačany namieśnikam kiraŭnika Rascupracoŭnictva.
Ihar i jaho brat Arciom Čajka stali viadomyja paśla taho, jak u 2015 hodzie Fond baraćby z karupcyjaj Alaksieja Navalnaha vypuściŭ film «Čajka» — rasśledavańnie ab biznesie siamji Juryja Čajki, jaki tady ŭznačalvaŭ Hienprakuraturu RF (jon nazyvaŭ rasśledavańnie zakaznym).
U Biełarusi ž Arciom i Ihar viadomyja siabroŭstvam sa starejšym synam Łukašenki Viktaram. Jany źjaŭlajucca zasnavalnikami kłuba Iron Birds Chapter, jaki rehularna ładziŭ u Biełarusi prapahandysckija motaprabiehi.