Anžalika Borys: Andrej Pačobut nie maje abmiežavańniaŭ, moža viarnucca ŭ Biełaruś
Pa słovach byłoj staršyni Sajuza palakaŭ Biełarusi Anžaliki Borys, takoje zapeŭnieńnie jany siońnia pačuli razam z Andrejem Pačobutam u Biełaviežy.
Andrej Pačobut (sprava) z namieśnikam hałoŭnaha redaktara vydańnia Gazeta Wyborcza Bartašam Vialińskim. Fota: facebook.com/roman.imielski
Sa słoŭ Anžaliki Borys vynikaje, što Pačobut nibyta dabiŭsia taho, čaho chacieŭ. Ale zusim nieviadoma, jak heta budzie pracavać na praktycy. Pakul što Andrej Pačobut adpraŭleny na terytoryju Polščy, jak možna mierkavać, prymusova.
Adrazu paśla vyzvaleńnia jon sam pytaŭsia ŭ palakaŭ, ci zmoža jon viarnucca ŭ Biełaruś, to-bok jamu samomu adkaz na heta pytańnie nie byŭ vidavočny.
Pra niečakanaje vyzvaleńnie Andreja Pačobuta stała viadoma 28 krasavika. Jon apynuŭsia siarod abmienienych pa schiemie 5 na 5.
Biełaruś i Rasija vyzvalili troch hramadzian Polščy i dvuch hramadzian Małdovy. Siarod hramadzian Polščy majecca na ŭvazie i Andrej Pačobut. Vyhladaje, u jaho dva hramadzianstvy, biełaruskaje i polskaje. Uzamien ź Jeŭrasajuza pajechali piać hramadzian, «zatrymanych na terytoryi roznych krain ES i inšych dziaržaŭ». Heta hramadzianie Biełarusi, Rasii i inšych krain SND.
Čytajcie taksama:
Aleś Bialacki: Vielmi rady vyzvaleńniu Pačobuta, ale nie zabyvajemsia i pra inšych
Tusk raskazaŭ, jakija słovy Pačobuta byli pieršymi na voli
Prezident Polščy zaprasiŭ Pačobuta ŭ Prezidencki pałac
Džon Koŭł pryjedzie ŭ Biełaruś «praz dva-try tydni»
Cichanoŭskaja pra Pačobuta: Jahonaja stojkaść, hodnaść i niepachisnaść stali prykładam dla nas usich