Karal Naŭrocki adznačyŭ rolu Donalda Trampa ŭ vyzvaleńni palitviaźnia Andžeja Pačobuta.
«Andžej Pačobut užo znachodzicca ŭ Polščy, vyzvaleny režymam Łukašenki. Heta čałaviek, jaki dakazaŭ, nakolki mocnyja polskaść i addanaść kaštoŭnaściam. Jon zapłaciŭ za heta vysokuju canu ŭ ciažkaj turmie», — zajaviŭ Karal Naŭrocki padčas forumu ŭ charvackim Dubroŭniku.
Prezident dadaŭ, što vyzvaleny žurnalist byŭ udastojeny Ordena Biełaha Arła. «Zaprašaju spadara Andžeja atrymać Orden Biełaha Arła paśla zaviaršeńnia ŭsiaho pracesu adaptacyi», — skazaŭ jon.
«Dziakuju prezidentu Złučanych Štataŭ Donaldu Trampu za sadziejničańnie ŭ vyzvaleńni našaha suajčyńnika. Dziakuju ŭsim, chto pracavaŭ dziela hetaha pośpiechu», — adznačyŭ Naŭrocki ŭ svaim prynahodnym dopisie ŭ sacsietcy X.
Kamientary