Minčanka pabačyła na dvary, jak mužčyna drapaje klučami čužuju mašynu. I nie prajšła mima

Žychar Minska źviarnuŭsia ŭ milicyju paśla taho, jak znajšoŭ na svajoj mašynie drapinu i zapisku pad dvornikam.

Skrynšot ź videa

U zapiscy byŭ paznačany numar telefona žančyny, jakaja stała śviedkaj zdareńnia. Jana paviedamiła, što bačyła, jak nieviadomy mužčyna naŭmysna padrapaŭ pryparkavany aŭtamabil klučami, paśla čaho pajšoŭ dalej.

Kab dapamahčy ŭładalniku, minčanka źniała parušalnika na videa i pakinuła kiroŭcu svaje kantakty.

Abapirajučysia na videa, siłaviki  chutka ŭstanavili i zatrymali padazravanaha. Im akazaŭsia 41‑hadovy mužčyna.

Zatrymany pryznaŭsia, što viartaŭsia dadomu ŭ stanie ałkaholnaha apjanieńnia paśla rasstavańnia ź dziaŭčynaj. Pavodle jaho słoŭ, z-za złości jon paškodziŭ aŭtamabil, jaki nibyta pieraškadžaŭ jamu prajści.

Raniej mužčyna ni ŭ čym padobnym zaŭvažany nie byŭ, ale ciapier suprać jaho raspačali kryminalnuju spravu za chulihanstva. Pamier naniesienaj škody acanili ŭ 800 rubloŭ, i mužčynu daviadziecca jaje kampiensavać.

Kamientary da artykuła