Pjany minčuk kidaŭsia z nažom i kamieniem na minaka, jaki zrabiŭ tamu zaŭvahu za nieprystojnyja pavodziny
Niejak pa abiedzie minčuk razam z žonkaj išoŭ ŭ kramu. Kala dziciačaj placoŭki na bulvary Šaŭčenki jon ubačyŭ, jak mužčyna spraŭlaŭ naturalnuju patrebu na vačach u dziaciej.
Mužčyna zrabiŭ zaŭvahu, adnak chulihan hruba jamu adkazaŭ. Było vidavočna, što toj znachodziŭsia ŭ stanie mocnaha ałkaholnaha apjanieńnia, pišuć Minsk-naviny.
Praź niekatory čas minčuk znoŭ ubačyŭ taho ž mužčynu — złamyśnik siadzieŭ na prystupkach łambarda. Zaŭvažyŭšy siamiejnuju paru, jon padyšoŭ da ich i pačaŭ kanflikt z-za raniejšaj zaŭvahi, a paśla dastaŭ z kišeni nož i, vykazvajučy roznyja pahrozy, niekalki razoŭ pasprabavaŭ udaryć mužčynu, ale tamu ŭdałosia ŭchilicca. Žonka vyklikała milicyju.
Pačuŭšy heta, chulihan kinuŭ nož i padniaŭ ź ziamli kamień, jakim zamachnuŭsia ŭ bok mužčyny, paśla čaho paśpiešliva syšoŭ.
Padazravanaha zatrymali, zaviali kryminalnuju spravu. Vinu ŭ inkryminavanym złačynstvie jon pryznaŭ častkova.
— Abvinavačany žanaty, nidzie aficyjna nie byŭ pracaŭładkavany, raniej užo mieŭ prablemy z zakonam, — prakamientavaŭ staršy pamočnik prakurora Pieršamajskaha rajona Mikita Hrycevič.
— Sud pryznaŭ jaho vinavatym u ździajśnieńni złačynstva, praduhledžanaha č. 3 art. 339 KK (asabliva złosnaje chulihanstva), i pryznačyŭ pakarańnie ŭ vyhladzie troch hadoŭ pazbaŭleńnia voli, jakija abvinavačany praviadzie ŭ papraŭčaj kałonii va ŭmovach uzmocnienaha režymu.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»16
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary