Tramp raskazaŭ pra «vielmi dobruju» razmovu z Pucinym i nazvaŭ siabie inicyjataram pieramirja
Padčas razmovy z žurnalistami ŭ Avalnym kabiniecie prezident ZŠA padzialiŭsia padrabiaznaściami pra svaju siońniašniuju telefonnuju razmovu z prezidentam Rasii Uładzimiram Pucinym, pra fakt jakoj raniej raskazaŭ pamočnik Pucina Juryj Ušakoŭ.
Fota: AP Photo/Matt Rourke
Pavodle słoŭ Tramp, razmova była «vielmi dobraj». Jon vykazaŭ upeŭnienaść, što vyrašeńnie rasijska-ŭkrainskaj vajny nastupić «adnosna chutka». Taksama jon skazaŭ, što prapanavaŭ rasijskamu lidaru «karotkaje spynieńnie ahniu».
«Ja prapanavaŭ karotkaje spynieńnie ahniu, i ja dumaju, jon moža heta zrabić», — zajaviŭ jon.
Akramia hetaha, Pucin padčas telefonnaj razmovy nibyta prapanavaŭ Trampu dapamohu ŭ vajnie ź Iranam, u pryvatnaści adnosna ŭzbahačanaha ŭranu.
«Jon chacieŭ by dapamahčy. Ja skazaŭ: pierš čym ty mnie dapamožaš, ja chaču, kab ty skončyŭ svaju vajnu. Jon skazaŭ mnie, što chacieŭ by dałučycca da ŭzbahačeńnia [uranu]. Jon moža dapamahčy nam heta atrymać», — dadaŭ amierykanski prezident.
Juryj Ušakoŭ raniej kazaŭ, što prapanova zrabić pieramirje «na pieryjad Dnia Pieramohi» pachodziła nie ad Trampa, a ad Pucina.
Čytajcie taksama:
Pucin patelefanavaŭ Trampu i prapanavaŭ abjavić pieramirje «na pieryjad Dnia Pieramohi»
Tramp pierabłytaŭ Ukrainu i Iran, dy tak, što ŭsich skałanuła
Karł III patroliŭ Trampa padčas uračystaj viačery ŭ Biełym domie
Dziarždep ZŠA vypuścić limitavanuju sieryju pašpartoŭ z vyjavaj Trampa ŭnutry
Tramp daručyŭ padrychtavacca da doŭhaj błakady Armuzskaha praliva