Padčas uračystaj viačery ŭ Biełym domie brytanski karol Karł III i prezident Donald Tramp abmianialisia sieryjaj žartaŭ, jakija razradzili atmaśfieru aficyjnaha mierapryjemstva.
Najbolšuju ŭvahu pryciahnuŭ iraničny vypad brytanskaha manarcha pra «francuzskuju movu», paviedamlaje Bi-bi-si.
U svajoj pramovie Karł III adreahavaŭ na raspaŭsiudžany tezis Trampa pra rolu ZŠA ŭ suśvietnaj historyi.
«Vy niadaŭna adznačyli, što kali b nie Złučanyja Štaty, jeŭrapiejskija krainy razmaŭlali b pa-niamiecku», — skazaŭ karol, paśla čaho z uśmieškaj dadaŭ: «Advažusia skazać, što kali b nie my, vy b razmaŭlali pa-francuzsku…!»
Karł III nie abmiežavaŭsia tolki hetym. Jon taksama nahadaŭ pra padziei padpału Biełaha doma ŭ 1814 hodzie padčas druhoj anhła-amierykanskaj vajny, pažartavaŭšy, što heta była «brytanskaja sproba pierabudovy» rezidencyi prezidenta ZŠA.
Tramp taksama nie zastaŭsia ŭbaku i pačaŭ svajo vystupleńnie z kamplimientu manarchu nakont jaho pramovy ŭ Kanhresie, dadaŭšy žart: «Vy prymusili demakrataŭ ustać — ja b nikoli nie zmoh hetaha zrabić».
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary
Cikavym byŭ inšy vypada učora, katory NN prapusła, albo nie zachacieła publikavać. Sustreŭšy Čarlza u Biełym domie, bieź mikrafonaŭ, Tramp adrazu pačaŭ abmiarkoŭvać Pucina, skazaŭšy, što Pucin choča vajny i hatovy spalić uvieś svoj narod u joj. Čarlz paprasiŭ abmierkavać heta paźniej, biez kamier. Hety dyjałoh pračytali fizijahnamisty pa vusnach, kali kamiery zdymali ich zdalok. Tamu tema Ukrainy i Rasii budzie samaj asnoŭnaj na hetaj sustrečy i bačna, što Tramp nia maje iluzij.