Tramp daŭ paradu Nietańjachu pa atakach na Livan
Bo toje, što ciapier robić Izrail, vystaŭlaje jaho ŭ kiepskim śviatle.
Fota: Gil Cohen Magen/picture alliance via Getty Images
Prezident ZŠA zaklikaŭ premjer-ministra Izraila Bińjamina Nietańjachu nanosić tolki dakładnyja ŭdary pa Livanie. Pra heta jon raspavioŭ u intervju Axios.
«Ja skazaŭ Nietańjachu, što jon pavinien dziejničać bolš dakładna. Nie razburać budynki. Jon nie moža hetaha rabić. Heta zanadta žudasna i stavić Izrail u drennaje śviatło», — skazaŭ Tramp.
Jon padkreśliŭ, što jamu padabajecca Livan i kiraŭnictva krainy.
Amierykanski lidar taksama ličyć, što kraina moža «viarnucca da žyćcia» paśla zakančeńnia apieracyi suprać Irana. «Iran razburyŭ Livan. Ich maryjanietka [Chiezbała] razburyła Livan. Kali Iran budzie pieramožany, Chiezbała aŭtamatyčna budzie pieramožana», — padkreśliŭ Tramp.
Amierykanski čynoŭnik udakładniŭ u razmovie z vydańniem, što administracyja Donalda Trampa paprasiła Izrail «prajavić strymanaść» i dać mahčymaść novamu dypłamatyčnamu pracesu ź Livanam.