U Homielskaj vobłaści za palityku aryštavany 70‑hadovy likvidatar. Jaho adpravili ŭ SIZA
Pravaabaroncu z Mazyra Uładzimira Cielapuna ŭziali pad vartu ŭ pačatku krasavika. Miarkujecca, što spačatku jon znachodziŭsia ŭ IČU Mazyrskaha RAUS, paśla jaho pieraviali ŭ SIZA-3. Suprać jaho raspačataja kryminalnaja sprava, daviedałasia «Viasna».
Uładzimir Cielapun
Padrabiaznaści abvinavačańniaŭ nieviadomyja, ale sutnaść spravy maje palityčny charaktar. 70‑hadovy Uładzimir Cielapun 30 krasavika pryznany palityčnym źniavolenym.
Cielapun viadomy ŭ rehijonie svajoj dziejnaściu pa abaronie pravoŭ čałavieka, u tym liku prava na mirnyja schody. U 1986 hodzie ŭdzielničaŭ ŭ likvidacyi nastupstvaŭ avaryi na Čarnobylskaj AES. Maje prablemy sa zdaroŭjem.
Čytajcie taksama:
Valancin Stefanovič: Turma — heta jak śmierć, tolki ty žyvy
Na biełaruskaha błohiera ź Izraila zaviali kryminałku za abrazu Azaronka i Hajdukieviča