«Ideja — seks»: sacsietki ŭ zachapleńni ad chłopcaŭ, jakija na ŭniviersiteckim konkursie pryhažości vyjšli ŭ vyšyvankach

Chłopcy, jakija ŭdzielničali ŭ konkursie «Mister Iniaz — 2026», defilavali ŭ nacyjanalnych strojach — i stali zorkami ŭ sacsietkach.

Tut i dalej fota: bsufl.by

Konkurs pryhažości (jaki aficyjna nazvali konkursam mužnaści i honaru) adbyŭsia jašče napačatku krasavika, ale videa ź jaho zavirusiłasia ŭ Threads ciapier.

Adnym ź pieršych vyprabavańniaŭ dla šaści finalistaŭ było defile ŭ nacyjanalnych strojach. Padčas jaho na ekranie demanstravali vizitki chłopcaŭ — ich taksama zdymali ŭ biełaruskim styli.

Tak vyhladali vizitnyja foty ŭdzielnikaŭ konkursu. Na zdymkach — Mikałaj Čarniak z fakulteta kitajskaj movy i kultury (źleva) i Ivan Chamicevič z fakulteta niamieckaj movy

U kamientarach vyklučna zachapleńnie: «Kali ja vučyłasia ŭ iniazie, u nas nijakich misteraŭ nie było, bo nie było chłopcaŭ u pryncypie. Hetyja biełarusiki, kaniešnie, seksi», «Voj, jakija pryhažuny! Ideja — seks! I, kaniešnie, vialiki dziakuj za stroi», «Našy busły!».

U kamientary pryjšła i błohierka Hanna Bond, jakaja na biełaruskaj movie napisała: «Heta niečakana. I vielmi kruta atrymałasia».

Tytuł «Mister Iniaz — 2026» atrymaŭ Michaił Suprunovič z fakulteta anhlijskaj movy.

Michaił Suprunovič

Kamientary da artykuła