Pasiarod minskaha lesaparku Miadźviežyna źbirajucca pabudavać bijatłonny kompleks
A na vulicy Naračanskaj źjavicca centr ekstremalnych vidaŭ sportu.
Miadźviedžyna. Fota: maps.yandex.by
Na vulicy Naračanskaj u Minsku płanujecca ŭźvieści fizkulturna-azdaraŭlenčy centr dla ekstremalnych vidaŭ sportu. Abjekt raźmieścicca na placoŭcy nasuprać manieža.
Pra heta paviedamiŭ staršynia kamiteta architektury i horadabudaŭnictva Minharvykankama Viktar Hućko, ale nie ŭdakładniŭ, dzie mienavita źjavicca budynak, bo vulica Naračanskaja davoli ščylna zabudavanaja
Pavodle jaho słoŭ, centr uvachodzić u inviestycyjnuju prahramu stalicy, budaŭnictva pačniecca najbližejšym časam.
Akramia taho, u lesaparku Miadźviežyna płanujecca stvaryć spartyŭny kompleks dla bijatłonu i łyžnych honak. Pobač z trasaj źjaviacca stadyjon, strelbišča i raździavalni.
«Finansavańnie dla raspracoŭki prajektnaj dakumientacyi i realizacyi hetaha prajekta ŭžo praduhledžana ŭ biudžecie, tamu ŭ hetym hodzie prystupim da realizacyi», — kaža Hućko.