Ukrainskija drony znoŭ atakavali port u rasijskim Prymorsku

Pavodle paviedamleńnia hubiernatara Leninhradskaj vobłaści Alaksandra Draździenki, unačy rehijon adbivaŭ masavanuju ataku, padčas jakoj było źbita bolš za 60 bieśpiłotnikaŭ.

Fota NASA ź ciepłavymi sihnaturami nad terytoryjaj porta Prymorsk

Pa słovach hubiernatara, hałoŭnaj cellu ataki staŭ marski handlovy port Prymorsk. Tam uźnikła ŭzharańnie, jak zapeŭnivaje Alaksandr Draździenka, «u vyniku adbićcia ataki».

Miascovyja žychary paviedamlali pra šmatlikija vybuchi za noč, spadarožniki NASA fiksavali ciepłavyja sihnatury pažaru na terytoryi porta.

Paviedamlajecca, što pažar užo likvidavany. Raźlivu naftapraduktaŭ, pavodle aficyjnaj infarmacyi, nie zafiksavana.

Z-za hetaj situacyi časova ŭvodzilisia abmiežavańni na paloty ŭ miascovyja aeraporty, u tym liku ŭ Pułkava i Pskoŭ. Byli zatrymanyja bolš za 70 rejsaŭ, kala dvuch dziasiatkaŭ admienienyja.

Da 8‑j hadziny ranicy pa miascovym časie abmiežavańni byli źniatyja.

Pavodle źviestak Minabarony Rasii, za hetu noč byli źbityja 334 ukrainskija drony nad 15 rasijskimi rehijonami i anieksavanym Krymam.

Kamientary da artykuła