Siońnia ŭ Rasii znoŭ haryć Pierm. Vyhladaje, što SPA ŭ Pryŭralli bolš niama
U miljonnaj Piermi znoŭ prahrymieli vybuchi, paśla ataki dronaŭ pačaŭsia novy pažar.
Kala 7 ranicy ŭ horadzie prahučali vybuchi, u nieba padniaŭsia dym, paviedamlali miascovyja žychary. Kanał Astra sa spasyłkaj na miascovych žycharoŭ pisaŭ, što ŭ Piermi adbyŭsia vybuch, paśla hetaha z hučnahavarycielaŭ prahučała papiaredžańnie ab avaryi z «vykidam niebiaśpiečnaha rečyva».
Ź videa stała jasna, što ŭ pryŭralskim horadzie, siarod inšaha, haryć naftapierapracoŭčy zavod «Łukojł-Piermnaftaorhsintez». Uščent zhareła prynamsi adna z ustanovak pieršasnaj ačystki syraviny.
Učora ŭkrainskija bieśpiłotniki atakavali najbujniejšy abjekt Piermskaha rajonnaha naftapravodnaha ŭpraŭleńnia — liniejnuju vytvorča-dyśpietčarskuju stancyju «Pierm».
Taksama nočču BPŁA atakavali Dziaržynsk u Nižaharodskaj vobłaści. Metaj ataki staŭ zavod vybuchovych rečyvaŭ imia Śviardłova.
Kamientary
Heta "puškinskij vielikij i mohučij jazyk"?
ale vidosy žyćcieśćviardžalnyja)