U Minsku staviać śpiecyjalnyja boksy dla sabak — voś dla čaho
Što rabić, kali chočacie naviedać kramu, a z vami sabaka? Niekatoryja biełaruskija kramy prapanujuć rašeńnie.
Fota: milabantik / TikTok
Karystalnica tyktoka pad nikam milabantik apublikavała videa, jakoje źniała la «Hipa» ŭ Kopiščy pad Minskam. Žančyna pakazała padpisčykam budki, kudy klijenty «Hipa» mohuć pasadzić svaju chatniuju žyviołu na čas, kali pajšli ŭ kramu.
Heta niekalki boksaŭ roznaha pamieru — chopić miesca i maleńkim sabakam, i vialikim. U budkach jość dzirki dla vientylacyi i vada, jość i nievialikija prostyja zamki, ale jany naŭrad ci abaroniać žyviołu.
Fota: milabantik / TikTok
Boksy dajuć mahčymaść nie pakidać žyviołu adnu na vulicy, što asabliva aktualna ŭ chałodnaje nadvorje. Ź inšaha boku, na kadrach bačna, što sabaki ŭ boksach vyhladajuć niespakojna.
Heta nie pieršyja boksy takoha farmatu ŭ Minsku. Padobnyja budki stajać na vulicy Kiryły Turaŭskaha la adnoj z kramaŭ sietki «Siem piatnic». A sama ideja tak rabić pryjšła z Zachadu: takija boksy možna pabačyć, naprykład, u Narviehii i Šviecyi.
Čytajcie taksama:
Hruzin adkryŭ piakarniu ŭ Zasłaŭi. Raniej hatavaŭ chačapury, a ciapier pierajšoŭ na picy
Jak vyhladała voziera Narač amal 100 hadoŭ tamu FOTY
U Minsku budujuć novy šmatfunkcyjanalny centr z pramym vychadam ź mietro