Uładzimir Zialenski adkazaŭ na pytańnie, «ci ŭkrainskaja delehacyja palacić na parad u Maskvu»

Prezident Ukrainy Uładzimir Zialenski paviedamiŭ u razmovie z žurnalistami, što Maskva nie źviazvałasia z Kijevam pa pytańni pieramirja na 9 maja, a havaryła tolki z Trampam. Jon padkreśliŭ, što važna, kab ukrainski bok viedaŭ, pra što jany damaŭlajucca, bo «heta ž vajna Rasii suprać Ukrainy».

Uładzimir Zialenski. Skrynšot ź videa

Zialenskaha zapytalisia, ci palaciać u Maskvu na parad ukrainskija drony, a jon zaśmiajaŭsia i skazaŭ, što heta była b «mocnaja naša delehacyja». Paśla ž skazaŭ užo surjozna.

«Amierykancy pahavaryli z ruskimi, a z nami nichto aficyjna nie źviazvaŭsia, ničoha aficyjna nie prapanoŭvaŭ. Heta ž vajna Rasii suprać Ukrainy, i nam važna viedać, pra što jany damaŭlajucca. Ceasefire na adzin dzień, a pierad tym zabivajuć našych ludziej?.. Niesurjozna. Dać im mahčymaść niejkich śviat? A ŭ nas śviat niama. I paśla na nastupny ranak jany znoŭ buduć zabivać našych ludziej? Budziem bačyć, jak usio projdzie», — skazaŭ Zialenski.

Kamientary da artykuła