Na fonie ŭkrainskich pavietranych atak Pucin pamianiaŭ kamandujučaha Pavietrana-kaśmičnymi siłami
Prezident Rasii Uładzimir Pucin pryniaŭ rašeńnie pamianiać kamandujučaha Pavietrana-kaśmičnymi siłami krainy, u skład jakich uvachodziać vojski supraćpavietranaj i supraćrakietnaj abarony. Z 2023 hoda hetuju pasadu zajmaŭ hienierał Viktar Afzałaŭ, a ciapier jaho zamianiŭ hienierał-pałkoŭnik Alaksandr Čajko, piša The Moscow Times.
54‑hadovy Alaksandr Čajko ŭ kancy 2010‑ch hadoŭ kamandavaŭ rasijskimi vojskami ŭ Siryi, a z 2021 hoda ŭznačalvaŭ Uschodniuju vajskovuju akruhu. Jon maje zvańnie Hieroja Rasii. Pavodle infarmacyi Jeŭrasajuza, asobu Čajko źviazvajuć z padziejami ŭ Bučy, dzie rasijskich vajskoŭcaŭ abvinavačvajuć u masavych zabojstvach mirnych žycharoŭ. U sakaviku 2026 hoda ES uvioŭ suprać jaho piersanalnyja sankcyi.
Źmiena kamandavańnia rasijskich VKS adbyłasia na fonie prablem z supraćpavietranaj abaronaj. Apošnim časam Rasija sutyknułasia ź sieryjaj atak ukrainskich bieśpiłotnikaŭ, jakija SPA akazałasia niazdolnaj poŭnaściu adbić. U kancy sakavika ŭdary byli naniesienyja pa bujnych naftavych partach na Bałtyjskim mory, što pryviało da spynieńnia ekspartu nafty.
U krasaviku ataki praciahvalisia: bolš za 20 udaraŭ pryjšlisia pa roznych naftavych abjektach, u tym liku pa niekalkich naftapierapracoŭčych zavodach, častka jakich była vymušanaja spynić pracu. U vyniku abjomy pierapracoŭki nafty ŭ krainie źnizilisia da minimalnaha ŭzroŭniu z 2009 hoda.
Vyłučajecca situacyja ŭ Tuapse na Čornym mory, dzie port i naftapierapracoŭčy zavod nieadnarazova traplali pad udary: u vyniku hareli vialikija abjomy nafty, a ŭ mora traplali naftapradukty. Padobny incydent adbyŭsia i ŭ Piarmi ŭ kancy krasavika.
Praz pahrozu bieśpiłotnikaŭ ułady vymušany byli navat źmianić farmat śviatkavańnia Dnia Pieramohi ŭ Maskvie. Parad budzie skaročany, projdzie biez vajskovaj techniki i praciahniecca mienš za zvyčajny čas. Akramia taho, budzie abmiežavany dostup na trybuny — naprykład, deputataŭ Dziarždumy tudy nie dapuściać.
Pa vulicach ciakli patoki pałajučaj nafty. Apakaliptyčnyja kadry z Tuapse, dzie ŭkraincy nanieśli ŭdar pa NPZ
Ukrainskija drony trapili ŭ jašče adno rasijskaje naftaschovišča
U rasijskim kurortnym Tuapse ekałahičnaja katastrofa — pažar na NPZ nie mohuć patušyć, iduć naftavyja daždžy
Ziuhanaŭ zajaviŭ, što ŭvosieni ŭ Rasii moža adbycca anałah Lutaŭskaj revalucyi 1917 hoda
Kamientary