5 karysnych pasłuh minskaha aeraporta, jakija vy mahli nie viedać
Minski aeraport prapanuje šerah servisaŭ, jakija vychodziać daloka za ramki zvykłaha dźjuci-fry. Žurnalisty Tochka.by vyvučyli mahčymaści aeravakzała i sabrali samyja cikavyja prapanovy.
1. Zachoŭvańnie čamadanaŭ i «zimovy» harderob
Kamiera zachoŭvańnia znachodzicca ŭ zonie prylotu (cokalny pavierch, siektary 5—6). Tut možna pakinuć bahaž, kali ŭ vas šmat času da rejsa ci vy chočacie naviedać horad.
Taksama ŭzimku pracuje harderob, dzie možna pakinuć vopratku, kab nie vieźci jaje ŭ ciopłyja krainy.
Zachoŭvańnie bahažu: 10 rubloŭ za sutki (minimalnaja apłata navat za niekalki hadzin).
Harderob: 5 rubloŭ za sutki za kurtku abo palito.
2. «Pieradaj padarunak siabru»
U toj ža kamiery zachoŭvańnia možna pakinuć lubuju reč — klučy, dakumienty abo sumku — na imia inšaha čałavieka (mo vy niešta zabyli pakinuć doma ci ŭziali toje, što vieźci nielha). Atrymalnik zmoža zabrać jaje, pakazaŭšy pašpart.
Košt: ad 5 da 12 rubloŭ u zaležnaści ad pamieru pasyłki.
3. Kabiny dla snu i duš
Dla tych, chto stamiŭsia ŭ darozie, na 4‑m paviersie jość zony adpačynku.
Duš: 20 rubloŭ za 40 chvilin (raźmieščany ŭ pieršym siektary).
Kabina dla snu: 3 hadziny adzinoty kaštujuć kala 65 rubloŭ, kožnaja nastupnaja hadzina — kala 23 rubloŭ.
Pakoi časovaha pražyvańnia: sutki dla rezidentaŭ Biełarusi kaštujuć ad 70 rubloŭ (adnamiesny) da 115 rubloŭ (siamiejny). Dla zamiežnikaŭ ceny vyšejšyja ŭdvaja.
4. Dapamoha aŭtamabilistam
Kali paśla doŭhaj stajanki na parkoŭcy aeraporta ŭ mašyny sieŭ akumulatar, možna skarystacca pasłuhaj chutkaha zapusku ruchavika. Servis pracuje kruhłasutačna, treba źviartacca da administratara płatnaj stajanki.
Košt: 30 rubloŭ.
5. Zachavańnie znojdzienych i kanfiskavanych rečaŭ
Rečy, jakija byli znojdzieny ŭ aeraporcie abo kanfiskavany padčas dahladu (kali jany nie zabaronienyja da abarotu), taksama zachoŭvajucca płatna.
Košt: 10 rubloŭ za pieršyja sutki, dalej — pa 30 kapiejek za kožny nastupny dzień.