U hamielčuka prosta ŭ kišeni zahareŭsia paŭerbank
Mužčyna atrymaŭ apioki paśla taho, jak u jaho ŭ kišeni zahareŭsia partatyŭny akumulatar, paviedamlaje pres-słužba MNS.
Zdymak ilustracyjny. Fota: magnific.com
Incydent adbyŭsia 4 maja na vulicy Leninhradskaj ŭ Homieli. Pavodle papiaredniaj infarmacyi, u 48‑hadovaha mužčyny ŭ kišeni adzieńnia zahareŭsia paŭerbank, u vyniku čaho jon atrymaŭ traŭmy.
Paciarpiełaha dastavili ŭ balnicu. Abstaviny zdareńnia ŭdakładniajucca.
Zvyčajna zaharańni paŭerbankaŭ źviazany z paškodžańniem abo pierahrevam lityj-ijonnych batarej.
Siarod asnoŭnych pryčyn nazyvajuć miechaničnyja paškodžańni (udar abo padzieńnie), defarmacyju korpusa, traplańnie vilhaci, vykarystańnie niapravilnaj zaradnaj pryłady, pierazarad, vysokuju tempieraturu navakolla, a taksama zavodski brak.
U takich situacyjach moža adbycca tak zvany ciepłavy razhon: tempieratura ŭnutry akumulatara rezka pavyšajecca, vydzialajucca haručyja hazy, i ŭ vyniku pryłada moža zaharecca abo navat vybuchnuć.