U centry Minska 6 i 7 maja buduć pierakryvać vulicy

Napiaredadni ŭračystych mierapryjemstvaŭ kala manumienta Pieramohi, pryznačanych na 9 maja, u horadzie ŭviaduć časovyja abmiežavańni dla transpartu. Pra heta paviedamili ŭ staličnaj Dziaržaŭtainśpiekcyi.

Zdymak ilustracyjny. Fota: AP Photo / Pavel Bednyakov

Pieršyja pierakryćci čakajucca ŭžo 6 maja — z 12:00 da 13:30. Zatym abmiežavańni paŭtoracca 7 maja ŭ viačerni čas — z 18:30 da 20:00. U hetyja hadziny ruch całkam zakryjuć u abodvuch napramkach na šerahu klučavych vulic u samym centry stalicy.

Pad abmiežavańni trapić praśpiekt Niezaležnaści na ŭčastku ad vulicy Janki Kupały da vulicy Kazłova. Taksama prajezd budzie niedastupny na vulicy Zacharava — ad praśpiekta Niezaležnaści da Pieršamajskaj, i na vulicy Kisialova — ad praśpiekta da vulicy Čyrvonaj.

Takija miery tłumačać padrychtoŭkaj da śviatočnych mierapryjemstvaŭ i nieabchodnaściu harantavać biaśpieku padčas ich praviadzieńnia. Kiroŭcaŭ prosiać zahadzia ŭličvać źmieny i pa mahčymaści karektavać maršruty, kab paźbiehnuć zatoraŭ.

Kamientary da artykuła