Hastraplacoŭka «Piasočnica» ŭ Minsku ŭsio ž nie adkryjecca. Što adbyłosia
Strytfud-placoŭka pad adkrytym niebam «Piasočnica» na vulicy Kujbyšava ŭ Minsku ŭsio ž taki nie adkryjecca ŭ hetym siezonie. Pra heta Office Life paviedamili arhanizatary prajekta.
U krasaviku źjaviłasia infarmacyja, što ŭ arhanizataraŭ «Piasočnicy» ŭźnikli ciažkaści z arendadaŭcami. Datu adkryćcia placoŭki hetaj viasnoj nie nazyvali. Paźniej paviedamili, što novy siezon na hastraplacoŭcy ŭsio ž taki startuje 7 maja.
«Niahledziačy na ŭsie sproby zachavać prajekt i ŭsie damoŭlenaści, da jakich udałosia pryjści ŭ kancy krasavika pierad startam siezona, placoŭka «Piasočnica» bolš nie adkryjecca na raniejšym miescy. Dahavor arendy skasavany», — paviedamili arhanizatary.
Što budzie z prajektam dalej, pakul nie jasna.
Pradstaŭniki placoŭki kažuć, što zaraz pryjarytetnaja zadača — vyzvalić płoščy, jakija jany zajmajuć, «paśla hetaha možna budzie padumać pra budučyniu».
«Piasočnica» źjaviłasia ŭ 2018 hodzie. Jana raźmiaščałasia na terytoryi zavoda «Haryzont», a raspracavali prajekt stvaralniki viadomaha fiestyvalu Gastrofest. Łakacyja z urbanistyčnym vajbam i smačnaja vuličnaja ježa — nie adzinaje, dziela čaho siudy prychodzili haradžanie. Tut prachodzili majstar-kłasy, markiety, jarkija muzyčnyja vystupleńni, fiestyvali, vystavy i kinapakazy.
-
Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
-
Zvarščyk z Oršy zahinuŭ na vajnie. Žonka dva hady biłasia za hrabavyja — i ŭsio ž vybiła ich
-
Uźbiek prylacieŭ pracavać u Biełaruś, ale nie znajšoŭ tut pracy. Viartaŭsia dadomu jon z dapamohaju dypłamataŭ i na mylicach
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku25
Kamientary