Miadźviedzieŭ zajaviŭ, što ŭ Hiermanii byŭ pusty fars zamiest denacyfikacyi
Maŭlaŭ, zamiest denacyfikacyi «zachodnija dziaržavy pajšli šlacham apraŭdańnia nacysckich vajennych złačyncaŭ».
Fota: Contributor / Getty Images
Paśla zakančeńnia Druhoj suśvietnaj vajny ŭ Hiermanii nie było realnaj denacyfikacyi, zajaviŭ namieśnik staršyni Rady biaśpieki Rasii Dźmitryj Miadźviedzieŭ, piša RBK.
«Pa sutnaści, nijakaj realnaj denacyfikacyi FRH tak i nie prajšła», — zajaviŭ jon u artykule dla RT, vychad jakoha anansavała vydańnie.
Miadźviedzieŭ spasłaŭsia na materyjały Słužby źniešniaj raźviedki Rasii ź jakich vynikaje, što zamiest denacyfikacyi «zachodnija dziaržavy pajšli šlacham apraŭdańnia nacysckich vajennych złačyncaŭ». Praces denacyfikacyi, pavodle jaho słoŭ, na spravie pieratvaryŭsia «ŭ pusty fars».
«Anhłasaksy, imknučysia zachavać patrebnych im byłych kiraŭnikoŭ hitleraŭskaj vajennaj ekanomiki i bujnych nacystaŭ, praviali kampaniju pad łozunham «małych — viešać, vialikich — apraŭdvać», — adznačyŭ Miadźviedzieŭ.