Tramp i Pucin abmiarkoŭvali amierykanska-rasijskaje braterstva pa zbroi
Pasoł Rasii adznačyŭ, što suviazi Maskvy i Vašynhtona adnaŭlajucca, choć i nie tak chutka.
Uładzimir Pucin i Donald Tramp u Ankorydžy na Alascy 15 žniŭnia 2025 hoda. Fota: AP Photo / Julia Demaree Nikhinson
Lidary Rasii i ZŠA Uładzimir Pucin i Donald Tramp padčas raniejšaj telefonnaj razmovy adznačyli značeńnie rasijska-amierykanskaha bajavoha braterstva, paviedamiŭ pasoł Rasii ŭ ZŠA Alaksandr Darčyjeŭ, piša RBK.
«U telefonnaj razmovie prezidenty adznačyli značeńnie rasijska-amierykanskaha bajavoha braterstva jak pazityŭnaj padziei, što spryjaje ŭmacavańniu našych adnosin», — skazaŭ jon, nazvaŭšy takoje pryznańnie «vielmi važnym».
Darčyjeŭ taksama śćviardžalna adkazaŭ na pytańnie, ci pryviadzie apošniaja telefonnaja razmova Trampa i Pucina da vynikaŭ: «Ja dumaju, što tak. Ja ŭpeŭnieny, što tak», — skazaŭ dypłamat.
Jon dadaŭ, što suviazi Maskvy i Vašynhtona adnaŭlajucca, choć i nie tak chutka. Važnymi dla hetaha pracesu Darčyjeŭ nazvaŭ dobryja asabistyja adnosiny Pucina i Trampa. A ciapierašnija amierykanskija ŭłady, pavodle słoŭ pasła, demanstrujuć pazityŭny nastroj na adnaŭleńnie kantaktaŭ.
Papiaredni raz prezidenty razmaŭlali pa telefonie ŭ kancy krasavika.
Tramp tady nazvaŭ razmovu z Pucinym «vielmi dobraj» i zajaviŭ, što asnoŭnuju ŭvahu nadali Ukrainie. Jon adznačyŭ, što Pucin «byŭ hatovy zaklučyć ździełku ŭžo daŭno», ale taki krok dla prezidenta Rasii ŭskładniajuć «niekatoryja ludzi».