Zialenski zajaviŭ pra zhodu na abvieščanaje Trampam pieramirje
«Krasnaja płošča dla nas mienš važnaja, čym žyćci ŭkrainskich pałonnych, jakich možna viarnuć dadomu», — paviedamiŭ prezident Ukrainy, reahujučy na abviaščeńnie prezidentam ZŠA Donaldam Trampam trochdzionnaha pieramirja pamiž Rasijaj i Ukrainaj.
Uładzimir Zialenski. Fota: Sean Gallup / Getty Images
«Hetymi dniami było šmat zvarotaŭ i sihnałaŭ adnosna kanfihuracyi zaŭtrašniaha dnia ŭ Maskvie ŭ suviazi z našymi ŭkrainskimi dalnabojnymi sankcyjami. Pryncyp lusterkavaści ŭ našych dziejańniach dobra viadomy i byŭ daviedzieny da rasijskaha boku.
Dadatkovym arhumientam dla Ukrainy ŭ vyznačeńni našaj pazicyi zaŭsiody źjaŭlajecca vyrašeńnie adnaho z klučavych humanitarnych pytańniaŭ hetaj vajny, a mienavita — vyzvaleńnie vajennapałonnych. Krasnaja płošča dla nas mienš važnaja, čym žyćci ŭkrainskich pałonnych, jakich možna viarnuć dadomu.
Mienavita tamu siońnia ŭ ramkach pieramoŭnaha pracesu pry pasiarednictvie amierykanskaha boku my atrymali zhodu Rasii pravieści abmien vajennapałonnymi ŭ farmacie «1000 na 1000». Taksama pavinien być ustalavany režym cišyni 9, 10 i 11 maja.
Ukraina paśladoŭna pracuje dla viartańnia svaich ludziej z rasijskaha pałonu. Daručyŭ našaj kamandzie apieratyŭna padrychtavać usio nieabchodnaje dla abmienu», — paviedamiŭ Uładzimir Zialenski, padziakavaŭšy Trampu za jahonyja dypłamatyčnyja namahańni.
Pry hetym jon vykazaŭ spadziavańnie, što Złučanyja Štaty zabiaśpiečać vykanańnie damoŭlenaściaŭ rasijskim bokam.
Čytajcie taksama:
Tramp abjaviŭ trochdzionnaje pieramirje pamiž Rasijaj i Ukrainaj
Takajeŭ i Mirzijojeŭ usio ž pryjeduć paciešyć Pucina