MZS Ukrainy: U Łatviju zalacieli ŭkrainskija drony z-za pracy rasijskaj REB
Učora ŭ adstaŭku pajšoŭ ministr abarony Łatvii.
Drony ŭpali na ŭschodzie Łatvii, karta LSM
Ministerstva zamiežnych spraŭ Ukrainy zajaviła, što bieśpiłotniki, jakija zalacieli na terytoryju Łatvii 7 maja, trapili tudy z-za pracy rasijskich sistem radyjoelektronnaj baraćby. Pra heta kiraŭnik MZS Andrej Sibiha napisaŭ u X.
«Rasśledavańni dakazali, što heta stała vynikam pracy rasijskich sistem radyjoelektronnaj baraćby, jakija naŭmysna adchilali ŭkrainskija drony ad ich celaŭ u Rasii».
Takuju zajavu jon zrabiŭ niezadoŭha da taho, jak premjer Łatvii abviaściła pra rašeńnie adpravić u adstaŭku ministra abarony Andrysa Sprudsa ŭ suviazi z tym, što drony parušyli pavietranuju prastoru krainy i nie byli źbity.
Sibiha taksama dadaŭ, što Ukraina hatovaja pracavać razam z krainami Bałtyi i Finlandyi dla praduchileńnia padobnych incydentaŭ, u tym liku ź niepasrednym udziełam svaich śpiecyjalistaŭ.
7 maja ranicaj niekalki dronaŭ uvajšli ŭ pavietranuju prastoru Łatvii z boku Rasii, dva ź ich upali, u tym liku na terytoryi naftaschovišča, piša «Dožd́».