Pryznačany novy namieśnik Kačanavaj
Były namieśnik staršyni Savieta Respubliki pajšoŭ va ŭrad ministram finansaŭ.
Novym namieśnikam staršyni vierchniaj pałaty parłamienta abrany Ihar Brylevič. Da hetaha pryznačeńnia zajmaŭ pasadu namieśnika staršyni pastajannaj kamisii pa zakanadaŭstvie i dziaržaŭnym budaŭnictvie.
Brylevič naradziŭsia ŭ 1981 hodzie ŭ Pinsku. Skončyŭ BrDTU (suśvietnaja ekanomika) i Akademiju kiravańnia (antykryzisnaje kiravańnie). Karjeru pačaŭ na zavodzie «Kamierton», paśla čaho pierajšoŭ na dziaržsłužbu ŭ Pinski rajvykankam, dzie dasłužyŭsia da namieśnika staršyni.
Uznačalvaŭ filijał «Nieviel» Pinskaha miasakambinata i Pinski rajvykankam. Źjaŭlaŭsia delehatam VI i VII Usiebiełaruskaha narodnaha schodu. Byŭ kiraŭnikom Bresckaha abłasnoha adździaleńnia partyi «Biełaja Ruś».
Na novaj pasadzie Brylevič źmianiŭ Uładzisłava Tatarynoviča, jakoha raniej vyzvalili ad parłamienckaj pracy ŭ suviazi ź pierachodam va ŭrad na pasadu ministra finansaŭ.