Minskija chirurhi dziesiać hadzin vyrazali składanuju puchlinu maładomu čałavieku
U Minskim navukova-praktyčnym centry chirurhii, transpłantałohii i hiematałohii praviali składanuju apieracyju 28‑hadovamu pacyjentu. Jamu vydalili puchlinu z brušnoj połaści. Navatvor urastaŭ u inšyja orhany i tkanki, piša Times.by.
Apieracyja doŭžyłasia dziesiać hadzin. Chirurhi całkam vydalili puchlinu, zachavaŭšy nižniuju połuju vienu, aortu, prylehłuju nyrku, i vykanali płastyku levaha mačatočnika.
Vypadak byŭ nadzvyčaj składanym, a apieracyja mahła pryvieści da paškodžańnia niervovaha splacieńnia i prablem z nahami. Mienavita tamu ŭ padrychtoŭcy da jaje i lačeńni pacyjenta ŭdzielničali 15 śpiecyjalistaŭ, u tym liku niejrachirurh, aniestezijołahi-reanimatołahi, kardyjachirurhi, urołahi i sasudzistyja chirurhi.
Kiraŭnikom pracesu byŭ namieśnik dyrektara pa chirurhičnaj rabocie MNPC chirurhii, transpłantałohii i hiematałohii Alaksiej Ščerba.