U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Heta — Smalavicki rajon. Pobač — trasa na Maskvu, Kurhan Słavy i malaŭničyja lasy i aziory.
Vioska Sasnovaja, ilustracyjnaje fota
U vioscy Sasnovaja za 15 kiłamietraŭ ad Minska kupili katedž za 3,6 miljona dalaraŭ. Jon staŭ samym darahim domam, pradadzienym u Biełarusi ŭ minułym miesiacy, piša Realt.by.
Vioska Sasnovaja raźmiaściłasia za 15 kiłamietraŭ ad Minska. Heta — Smalavicki rajon. Pobač — trasa na Maskvu, Kurhan Słavy i malaŭničyja lasy i aziory. U samoj vioscy pracuje kaviarnia, azdaraŭlenčy centr i niekalki šynamantažoŭ. Kramy, škoła, dziciačy sad i inšuju infrastrukturu možna znajści ŭ susiedniaj Słabadzie i ŭ stalicy.
Pieršapačatkova Sasnovaja była zvyčajnaj vioskaj, ale ŭ 2010‑ch tut pačali budavać vialiki katedžny pasiołak na 140 novych damoŭ. Jon atrymaŭ nazvu «IT-vioska». Prystaŭka «ajci» tłumačyłasia tym, što metavaj aŭdytoryjaj zabudoŭščyka stali siemji prahramistaŭ. Z časam katedžy tut kuplali pradstaŭniki roznych prafiesij.
Ilustracyjnaje fota
Mienavita ŭ novaj častcy vioski i znachodzicca samy darahi dom krasavika. Heta cahlany katedž 2018 hoda płoščaj 591 kvadratny mietr. Za dom niedaloka ad Kurhana Słavy zapłacili 3,6 miljona dalaraŭ. Košt za kvadrat skłaŭ 4397 dalaraŭ.
Ilustracyjnaje fota
Zaraz na Realt.by pradajecca 8 damoŭ u vioscy Sasnovaj. Siarod varyjantaŭ jość jak adnosna ścipły «ajcišny» dom za 420 tysiač rubloŭ (149 tysiač dalaraŭ), tak i raskošny asabniak za 11,7 miljona rubloŭ (4,2 miljona dalaraŭ).