U Hruzii abrali novaha patryjarcha
Im staŭ mitrapalit Šya, jamu 57 hadoŭ.
Pašyrany schod Hruzinskaj pravasłaŭnaj carkvy prajšoŭ u tbiliskim kafiedralnym chramie Śviatoj Trojcy. U im uziali ŭdzieł kala 1,2 tysiačy čałaviek, adnak prava hołasu mieli tolki členy Śviaščennaha sinoda — 39 čałaviek, za Šya prahałasavali 22.
Patryjarchu Šya (Elizbar Muždyry) — 57 hadoŭ. Jon vučyŭsia ŭ Tbiliskaj kansiervatoryi pa kłasie vijałančeli, skončyŭ try kursy i pastupiŭ pasłušnikam u Šya-Mhvimski mužčynski manastyr, u 1993 hodzie byŭ pastryžany ŭ manastva. Z 2003 hoda — jepiskap HPC, z 2010 hoda mitrapalit Hruzinskaj pravasłaŭnaj carkvy.
Raniejšy katalikos-patryjarch Ilija II pamior 17 sakavika 2026 hoda va ŭzroście 93 hadoŭ. Jon kiravaŭ Hruzinskaj pravasłaŭnaj carkvoj z 1977 hoda.