U Minsku navučeniec kaledža stralaŭ ź pnieŭmatyki pa voknach
Žycharka adnaho z damoŭ ranicaj zaŭvažyła raźbitaje akno ŭ svajoj kvatery i źviarnułasia ŭ milicyju. Pravierka pakazała, što škło paškodzili strełam.
Skrynšot ź videa
Supracoŭniki kryminalnaha vyšuku chutka znajšli taho, chto stralaŭ. Im akazaŭsia navučeniec staličnaha kaledža. Chłopiec raskazaŭ, što napiaredadni byŭ u haściach u znajomaha, a pa darozie dadomu vyrašyŭ pravieryć mahutnaść niadaŭna nabytaha pnieŭmatyčnaha pistaleta. Dla hetaha jon vybraŭ akno čužoj kvatery.
Paśla strełu małady čałaviek uciok, ale paźbiehnuć adkaznaści nie zmoh. Pamier škody acanili prykładna ŭ tysiaču rubloŭ.
Ciapier studentu daviadziecca nie tolki kampiensavać košt paškodžanaha akna, ale i sieści na łavu padsudnych. Suprać jaho raspačali kryminalnuju spravu za chulihanstva.
U milicyi nahadali, što navat pnieŭmatyčnaja zbroja moža być niebiaśpiečnaj, a vykarystoŭvać jaje ŭ hramadskich miescach zabaroniena.
Čytajcie taksama:
U Mastach pjanyja mužyki stralali z kvatery ź pnieŭmatyki. I trapili ŭ susiedski «Opiel»
U Łojevie dziaŭčyna zabaŭlałasia, stralajučy pa mašynie susieda
Minčanka praviarała pistalet kachanaha i paceliła ŭ škło tralejbusa
U Mahilovie mužčyna rasstralaŭ ščaniukoŭ ź pnieŭmatyčnaj vintoŭki