Byłomu kiraŭniku Ofisa Zialenskaha Jermaku vystavili padazreńnie ŭ karupcyi
Byłomu kiraŭniku Ofisa prezidenta Ukrainy Andreju Jermaku paviedamili pra padazreńnie ŭ lehalizacyi niezakonna atrymanych hrošaj, źviazanych z elitnym budaŭnictvam pad Kijevam, paviedamlaje RBK-Ukraina.
Andrej Jarmak. Fota: Ludovic Marin, Pool Photo via AP
Pavodle infarmacyi Śpiecyjalizavanaj antykarupcyjnaj prakuratury i Nacyjanalnaha antykarupcyjnaha biuro Ukrainy, śledstva ličyć, što arhanizavanaja hrupa mahła admyć kala 460 miljonaŭ hryŭniaŭ (kala 10,46 miljona dalaraŭ). Jarmak, jak śćviardžajuć krynicy ŭ pravaachoŭnych orhanach, źjaŭlajecca adnym z udzielnikaŭ hetaj spravy.
Padazreńnie abjaŭlena pavodle častki 3 artykuła 209 Kryminalnaha kodeksa Ukrainy — lehalizacyja majomaści, atrymanaj złačynnym šlacham. Artykuł praduhledžvaje ad 8 da 12 hadoŭ pazbaŭleńnia voli z kanfiskacyjaj majomaści.
11 maja supracoŭniki NABU i SAP praviali ŭ dačynieńni da Jermaka terminovyja śledčyja dziejańni. Aficyjna padrabiaznaści pakul nie raskryvajucca.
Raniej imia Jermaka ŭžo zhadvałasia ŭ suviazi z tak zvanaj spravaj «Midas», jakaja tyčycca karupcyjnaj schiemy ŭ «Enierhaatamie». Śledstva śćviardžaje, što ŭdzielniki schiemy patrabavali adkat u pamiery 10—15% ad sum kantraktaŭ. U miedyjach taksama paviedamlałasia, što Jermak nibyta fihuravaŭ u materyjałach rasśledavańnia pad psieŭdanimami Ali-Baba i Chirurh.
Čytajcie taksama:
Zialenski ŭvioŭ sankcyi suprać byłoha kiraŭnika svajho Ofisa
Stała viadoma, dzie ciapier pracuje Andrej Jarmak
Kaniec «miru» z Łukašenkam: jak adstaŭka Jermaka paŭpłyvała na kurs Ukrainy adnosna Biełarusi
Andrej Jarmak padaŭ u adstaŭku z pasady kiraŭnika Ofisa prezidenta Ukrainy