Былому кіраўніку Офіса Зяленскага Ермаку выставілі падазрэнне ў карупцыі
Былому кіраўніку Офіса прэзідэнта Украіны Андрэю Ермаку паведамілі пра падазрэнне ў легалізацыі незаконна атрыманых грошай, звязаных з элітным будаўніцтвам пад Кіевам, паведамляе РБК-Украіна.
Андрэй Ярмак. Фота: Ludovic Marin, Pool Photo via AP
Паводле інфармацыі Спецыялізаванай антыкарупцыйнай пракуратуры і Нацыянальнага антыкарупцыйнага бюро Украіны, следства лічыць, што арганізаваная група магла адмыць каля 460 мільёнаў грыўняў (каля 10,46 мільёна даляраў). Ярмак, як сцвярджаюць крыніцы ў праваахоўных органах, з’яўляецца адным з удзельнікаў гэтай справы.
Падазрэнне аб'яўлена паводле часткі 3 артыкула 209 Крымінальнага кодэкса Украіны — легалізацыя маёмасці, атрыманай злачынным шляхам. Артыкул прадугледжвае ад 8 да 12 гадоў пазбаўлення волі з канфіскацыяй маёмасці.
11 мая супрацоўнікі НАБУ і САП правялі ў дачыненні да Ермака тэрміновыя следчыя дзеянні. Афіцыйна падрабязнасці пакуль не раскрываюцца.
Раней імя Ермака ўжо згадвалася ў сувязі з так званай справай «Мідас», якая тычыцца карупцыйнай схемы ў «Энергаатаме». Следства сцвярджае, што ўдзельнікі схемы патрабавалі адкат у памеры 10—15% ад сум кантрактаў. У медыях таксама паведамлялася, што Ермак нібыта фігураваў у матэрыялах расследавання пад псеўданімамі Алі-Баба і Хірург.
Чытайце таксама:
Зяленскі ўвёў санкцыі супраць былога кіраўніка свайго Офіса
Стала вядома, дзе цяпер працуе Андрэй Ярмак
Канец «міру» з Лукашэнкам: як адстаўка Ермака паўплывала на курс Украіны адносна Беларусі
Андрэй Ярмак падаў у адстаўку з пасады кіраўніка Офіса прэзідэнта Украіны