Tramp nazvaŭ «idealnych pierajemnikaŭ»
Prezident ZŠA nazvaŭ «kamandu mary» na prezidenckich vybarach 2028 hoda.
Džej Dzi Vens i Marka Rubia. Fota: Yuri Gripas / Abaca / Bloomberg via Getty Images
Donald Tramp zajaviŭ, što vice-prezident Džej dzi Vens i dziaržsakratar Marka Rubia mohuć skłaści «kamandu mary» na prezidenckich vybarach 2028 hoda, paviedamlaje The Hill.
«Kamu padabajecca Džej Dzi Vens? Kamu padabajecca Marka Rubia? — spytaŭ Tramp padčas viačery ŭ Ružovym sadzie z pradstaŭnikami pravaachoŭnych orhanaŭ u honar Nacyjanalnaha tydnia palicyi. — Vydatna. Hučyć jak dobry vybar».
«Džej Dzi — idealny varyjant. Heta byŭ idealny vybar», — skazaŭ jon. Amierykanski lidar adznačyŭ, što heta «ni ŭ jakim razie nie aznačaje», što jon ich padtrymlivaje.
«Ale, viedajecie… mnie zdajecca, heta hučyć jak «kandydat u prezidenty» i «kandydat u vice-prezidenty», — dadaŭ jon.
Rubia vyłučaŭ svaju kandydaturu ŭ prezidenty jašče ŭ 2016 hodzie, ale spyniŭ svaju kampaniju paśla parazy na prajmieryz ad Trampa.