Zorku alimpijad sa Śvietłahorska asudzili za «sadziejničańnie ekstremisckaj dziejnaści»
31‑hadovaja Darja Kalinava ŭ junackija hady była honaram Śvietłahorska i štohod źbirała dypłomy na respublikanskich školnych alimpijadach. Niadaŭna jaje asudzili pa palityčnaj kryminałcy.
Darja Kalinava. Fota: 34mag.net
Dziaŭčyna vučyłasia ŭ miascovaj himnazii i z šostaha kłasa ŭdzielničała ŭ alimpijadach pa pracoŭnym navučańni. Z 2007‑ha pa 2012 hod stanaviłasia pieramožcaj abłasnych i zaklučnych etapaŭ respublikanskaj alimpijady.
Taksama himnazistka brała ŭznaharody na mižnarodnych fiestyvalach daśledčych prac i ŭ roznych tvorčych konkursach.
Paśla zakančeńnia škoły Darja vučyłasia ŭ Jeŭropie.
Niadaŭna stała viadoma, što Darju Kalinavu asudzili ŭ Homielskim abłasnym sudzie. Jaje abvinavacili ŭ sadziejničańni ekstremisckaj dziejnaści (č. 1 i 2 artykuła 361‑4 KK).
Akaličnaści spravy nieviadomyja. Dakładny prysud taksama nieviadomy, ale heta ci «chimija» z nakiravańniem, ci kałonija.
Čytajcie taksama:
42‑hadovuju inžynierku z Kałodziščaŭ asudzili za «sadziejničańnie ekstremizmu»
Instruktara pošukavaha atrada «Anioł» kinuli za kraty — vierahodna, za Hajuna