U Hod žančyny Łukašenka źniaŭ žančynu-mera
55‑hadovaja Alena Paŭlečka 10 hod kiravała bujnym pramysłovym centram — Mazyrom. Siońnia ŭ horad pryznačany novy mer.
Alena Paŭlečka. Fota: «Homielskaja praŭda»
Paŭlečka naradziłasia ŭ 1971 hodzie ŭ Naraŭlanskim rajonie. Skončyła Biełaruskuju dziaržaŭnuju sielskahaspadarčuju akademiju. Pačynała buchhałtaram u kałhasie «Kiraŭskaje», paźniej zajmała pasady ekanamista i hałoŭnaha ekanamista. Pracavała na kirujučych pasadach u Mazyrskim rajvykankamie.
U 2016 hodzie stała staršynioj Mazyrskaha rajonnaha vykanaŭčaha kamiteta.
Była «Žančynaj hoda — 2019». Asablivaha adcieńnia jaje zvalnieńniu dadaje toje, što adbyłosia jano ŭ Hod žančyny.
Novym kiraŭnikom Mazyrskaha rajvykankama staŭ 47‑hadovy Alaksandr Vieramiejeŭ.
Vieramiejeŭ tolki ŭ žniŭni 2024 hoda ŭznačaliŭ Pietrykaŭski rajvykankam.
Da pryznačeńnia jon uvieś čas pracavaŭ na adnym pradpryjemstvie — «Paleśsie-Ahrainviest» (haspadarka Mazyrskaha NPZ).
Z 1999 hoda prajšoŭ šlach ad zahadčyka haraža, inžyniera-miechanika i hałoŭnaha inžyniera da namieśnika dyrektara pa markietynhu. Hod da pierachodu na dziaržsłužbu kiravaŭ hetym pradpryjemstvam.