Biełaruskija cyharety dla kantrabandy zakapali ŭ burakovy žom
Na rasijska-łatvijskaj miažy rasijskija mytniki znajšli kantrabandnyja biełaruskija cyharety, schavanyja ŭ vahonie z burakovym žomam.
Fota: sztu.customs.gov.ru
Padčas pravierki hruzavoha ciahnika na mytnym punkcie «Posiń» u Siebiežskim rajonie rasijskija mytniki znajšli 25 brykietaŭ z cyharetami biełaruskaj vytvorčaści. Jany byli schavanyja pad nievialikim słojem karmavoj dabaŭki.
Usiaho znajšli kala 12,5 tysiačy pačkaŭ cyharet. Ich košt aceńvajecca bolš čym u 1,9 miljona rasijskich rubloŭ (kala 20 tysiač dalaraŭ). U suviazi z hetym raspačali kryminalnuju spravu ab kantrabandzie stratehična važnych tavaraŭ.
Jašče adnu bujnuju partyju biełaruskich cyharet znajšli na składzie ŭ Pskoŭskaj vobłaści Rasii. Tam kanfiskavali kala 224 tysiač pačkaŭ ahulnym koštam prykładna 34 miljony rasijskich rubloŭ (kala 455 tysiač dalaraŭ).
Čytajcie taksama:
U Litvie šeść čałaviek asudzili za kantrabandu cyharet ź Biełarusi
U Polščy zatrymali biełarusa za arhanizacyju kantrabandy praz pavietranyja šary
U «Miednikach» litoŭskija pažarniki pa prośbie mytnikaŭ raśpiłavali aŭtamabil kantrabandysta