U Minsku dali nazvy vaśmi prypynkam transpartu, adzin pierajmienavali
Adpaviednaje rašeńnie Minharvykankama apublikavana na Nacyjanalnym pravavym internet-partale.
Tak, dva prypynačnyja punkty, raźmieščanyja na padjezdnaj darozie da mohiłak «Lasnyja» ŭ kirunku razvorotnaha kalca i Smalavickaha traktu, ciapier nazyvajucca «Mohiłki «Lasnyja». Paŭdniovy ŭvachod».
Pa vuł. Navavilenskaj u rajonie budynka №63 u kirunku zavułka Čarviakova źjaviŭsia prypynak «Navavilenskaja».
U ŽK «Levada» — adnajmiennyja prypynki «Levada». Jany znachodziacca na vuł. Navavilenskaj za skryžavańniem z zav. Čarviakova ŭ kirunku vuł. Baraŭkoŭskaj i vuł. Arłoŭskaj.
Prypynki na Navavilenskaj za skryžavańniem z vuł. Navatarskaj u kirunku Arłoŭskaj i za skryžavańniem z vuł. Ščadryna ŭ kirunku Navatarskaj atrymali nazvu «Pradpryjemstva «Miłavica»».
Prypynak na vuł. Paŭliny Miadziołki za skryžavańniem z vuł. Paŭła Maślenikava ŭ kirunku vuł. Ivana Bahramiana atrymaŭ nazvu «Paŭliny Miadziołki».
Akramia taho, pierajmienavany prypynačny punkt transpartu «ATS», raźmieščany na vulicy Siarhieja Jasienina ŭ kirunku vulicy Rafijeva, u «Škoła №209».