Śpis «ekstremisckich farmavańniaŭ» Biełarusi papoŭniŭsia jašče tryma prajektami
Kamitet dziaržaŭnaj biaśpieki Biełarusi pryniaŭ rašeńnie ab pašyreńni pieraliku arhanizacyj, dziejnaść jakich zabaronienaja na terytoryi krainy.
Rašeńnie ab pryznańni troch prajektaŭ «ekstremisckimi farmavańniami» KDB pryniaŭ 5 maja 2026 hoda.
«Znivien» — biełaruski brend adzieńnia, jaki śpiecyjalizujecca na vypusku rečaŭ z nacyjanalnaj simvolikaj dla biełarusaŭ u zamiežžy.
Siarod asob, źviazanych z prajektam, nazvany Uładzimir Malaŭka i Pavieł Dziarkač. Zabarona raspaŭsiudžvajecca na sajt znivien.pl i staronki ŭ sacyjalnych sietkach Instagram i Facebook.
«The Krama Store». Fihurantkaj ekstremisckaha śpisa paznačana Alesia Hmir. Pad sankcyi trapiŭ Instagram-akaŭnt prajekta.
«LVS. Language School» — zarehistravanaja ŭ Varšavie anłajn-škoła, jakaja zajmajecca dystancyjnym navučańniem zamiežnym movam. KDB źviazaŭ sa škołaj i ŭklučyŭ u śpis Alaksandru Dojnič. «Ekstremisckimi» nazvali profili škoły ŭ Instagram, Facebook i TikTok.