Minskuju piensijanierku abakraŭ muž kvatarantki
U Minsku 67‑hadovaja piensijanierka vyjaviła źniknieńnie bujnoj sumy hrošaj sa svajoj kvatery i źviarnułasia ŭ milicyju.
Skrynšot ź videa
Žančyna raskazała, što zdavała pakoj minčancy, jakaja paśla siamiejnaj svarki niejki čas žyła adna. Paźniej jana pamiryłasia z mužam, i toj staŭ prychodzić u kvateru. Časam žonka pieradavała jamu klučy.
Praź niekatory čas haspadynia vyrašyła pravieryć svaje aščadžeńni i vyjaviła prapažu 7 tysiač dalaraŭ.
Milicyja vyśvietliła, što da kradziažu datyčny 26‑hadovy muž kvatarantki, jaki pracuje dyrektaram pryvatnaj arhanizacyi. Mužčyna pryznaŭsia, što padčas vizitaŭ u kvateru ahledzieŭ miescy, dzie zachoŭvalisia hrošy, i skraŭ ich z šafy ŭ kalidory i kamody ŭ spalni.
Usie skradzienyja hrošy jon prajhraŭ u kazino. Taksama vyśvietliłasia, što raniej mužčyna ŭžo nieadnarazova pryciahvaŭsia da kryminalnaj adkaznaści za kvaternyja kradziažy.
Pa fakcie zdareńnia raspačali kryminalnuju spravu.
Čytajcie taksama:
U Hrodnie žančynu zatrymali za kradziež tuj z mohiłak
U Słuckim rajonie dvoje rabotnikaŭ śvinakompleksu raśpichali pa miachach 18 parasiat
Kali pakiety dla ŭpakoŭki ŭ kramie biaspłatnyja, to ich možna brać u luboj kolkaści? Tłumačyć juryst