Z 1 lipienia buduć novyja patrabavańni da arendnaha žylla

U Biełarusi z 1 lipienia pačnuć dziejničać novyja patrabavańni da typavych spažyvieckich jakaściaŭ žylla. Źmieny tyčacca najpierš arendnaha žylla i pavinny pavysić jaho kamfortnaść dla žycharoŭ, paviedamlaje telekanał STB.

Zdymak ilustracyjny. Fota: «Naša Niva»

Pavodle novych pravił, u kožnaj novaj arendnaj kvatery abaviazkova pavinny być mebla i bazavaja bytavaja technika. U pieralik uvachodziać chaładzilnik z marazilnaj kamieraj, pralnaja mašyna i mikrachvalevaja pieč. Pry hetym technika pavinna być biełaruskaj vytvorčaści.

Taksama novyja normy zakranajuć azdableńnie kvater. Vannyja pakoi i tualety pavinny być całkam abkładzienyja plitkaj. U žyłych pakojach praduhledžvajecca kładka łaminatu abo parkietnaj doški, a ścieny pavinny być abo pafarbavanyja, abo abklejenyja špalerami.

Asobna ŭ dakumiencie prapisali i maksimalny košt techniki:

• chaładzilnik — nie daražejšy za 30 bazavych vieličyń;
• pralnaja mašyna — da 25 bazavych;
• mikrachvalevaja pieč — da 9 bazavych vieličyń.

U Ministerstvie architektury i budaŭnictva adznačajuć, što hałoŭnaja meta novaŭviadzieńniaŭ — zrabić arendnaje žyllo bolš zručnym dla žyćcia, kab ludzi mahli adrazu zajazdžać u kvateru paśla atrymańnia klučoŭ.

Akramia taho, ułady raźličvajuć, što novyja patrabavańni padtrymajuć biełaruskich vytvorcaŭ mebli, bytavoj techniki i budaŭničych materyjałaŭ.

Kamientary da artykuła