Avaryju na čyhuncy ŭ Biełharadskaj vobłaści spravakavała rasijskaja bomba

Pryčynaj incydentu na čyhuncy ŭ Biełharadskaj vobłaści stała rasijskaja avijabomba FAB-500, vypadkova skinutaja nie tudy, piša Astra.

Bomba ŭpała prosta na čyhunačnyja rejki ŭ Jakaŭleŭskim rajonie Biełharadskaj vobłaści. Jana nie vybuchnuła, adnak paškodziła kala 25 mietraŭ čyhunačnaha pałatna.

Mašynist rejkavaha aŭtobusa, jaki ruchaŭsia pa maršrucie «Razumnaje — Tamaroŭka» i pieravoziŭ 15 pasažyraŭ, svoječasova zaŭvažyŭ paškodžańni i prymianiŭ ekstrannaje tarmažeńnie.

U vyniku zdareńnia paciarpieła 75‑hadovaja žančyna. Na miesca prybyli sapiory, jakija paśla vyvieźli avijabombu.

Spačatku hubiernatar Biełharadskaj vobłaści Viačasłaŭ Hładkoŭ zajaŭlaŭ, što pryčynaj sychodu ciahnika z rejek moh być padryŭ. Adnak paźniej jon adredahavaŭ svajo paviedamleńnie i prybraŭ zhadku pra hetuju viersiju.

Z pačatku 2026 hoda na terytoryju Rasii i akupavanych Rasijaj ukrainskich rehijonaŭ užo ŭpała jak minimum 24 rasijskija avijabomby FAB.

Kamientary da artykuła